سرگودھا ڈویژن میں گندم کی کاشت کے اہداف کے حصول کیلئے اقدامات مزید تیز کر دیے گئے ہیں۔ سرگودھا ڈویژنل گندم کمیٹی کے اجلاس کی صدارت کمشنر جہانزیب اعوان نے کی، جس میں گندم کاشت کے موجودہ حالات، کسانوں کو سبسڈی، تصدیق شدہ بیج، زرعی مشینری اور آگاہی مہم کا تفصیلی جائزہ لیا گیا۔ اس اجلاس کا مقصد یہ تھا کہ سرگودھا ڈویژن میں گندم کا زیادہ سے زیادہ رقبہ زیرِ کاشت لایا جائے اور ملکی فوڈ سکیورٹی کو یقینی بنایا جائے۔

گندم کاشت کا ہدف اور موجودہ پیشرفت

س سال سرگودھا ڈویژن میں 17 لاکھ 21 ہزار ایکڑ رقبے پر گندم کاشت کا ہدف مقرر کیا گیا ہے، جبکہ اب تک 61 ہزار ایکڑ پر کاشت مکمل ہو چکی ہے۔ ڈائریکٹر زراعت کے مطابق گزشتہ سال کے مقابلے میں گندم کی کاشت میں نمایاں اضافہ دیکھنے میں آیا ہے، جو کسانوں کے اعتماد اور حکومتی اقدامات کا نتیجہ ہے۔

کاشتکاروں کیلئے رہنمائی اور تربیتی پروگرام

• کاشتکاروں کیلئے تحصیل تا دیہات کی سطح پر ہدف طے کر دیے گئے ہیں۔

• محکمہ زراعت کے 221 زرعی گریجویٹس کسانوں کے کھیتوں تک جا کر براہ راست رہنمائی فراہم کر رہے ہیں۔

• تربیتی سیشنز میں تصدیق شدہ بیج، کھاد کا درست استعمال، زرعی ادویات اور بروقت کاشت کی اہمیت اجاگر کی جا رہی ہے۔

• مساجد، ریڈیو، سوشل میڈیا، پرنٹ میڈیا کے ذریعے آگاہی مہم جاری ہے۔

کسان کارڈ اور قرض سہولت

سرگودھا ڈویژن کے 66 ہزار کسانوں نے کسان کارڈ کے ذریعے 7 ارب روپے کے قرضے حاصل کیے۔ قرض کی واپسی کی آخری تاریخ 15 نومبر مقرر کی گئی ہے، جس کے بعد رقم دوبارہ اگلے روز ٹرانسفر کر دی جائے گی۔
مزید یہ کہ کامیاب ادائیگی کرنے والے کسانوں کیلئے ٹریکٹر، سونے کے سکے، موبائل فونز اور دیگر انعامات قرعہ اندازی کے ذریعے دیے جائیں گے۔

زرعی مشینری اور سبسڈی اسکیم

حکومت پنجاب کی جانب سے 1530 گرین ٹریکٹرز (75 ہارس پاور) کسانوں میں بذریعہ قرعہ اندازی تقسیم کیے جا رہے ہیں، جن پر 10 لاکھ روپے فی ٹریکٹر سبسڈی دی گئی ہے۔ اگلے مرحلے میں چھوٹے ہارس پاور کے ٹریکٹر بھی فراہم کیے جائیں گے۔
اس کے علاوہ تصدیق شدہ بیج، کھاد، زرعی سپرے وافر مقدار میں موجود ہیں، جبکہ اچھی بارشوں کے باعث پانی کی فراہمی بھی تسلی بخش ہے۔

سموگ کنٹرول اور جدید ہارویسٹر سہولت

چاروں اضلاع میں سموگ پر قابو پانے کیلئے آگاہی مہم اور جرمانے دونوں جاری ہیں۔ موٹروے ایریا میں چاول کاٹنے والے کسانوں کیلئے جدید ہارویسٹر کے ذریعے 9100 روپے فی ایکڑ کے تحت فصل کٹوانے کی سہولت فراہم کی جا رہی ہے۔

گندم کی نئی اقسام اور توقعات|| سرگودھا ڈویژن گندم کاشت

اجلاس میں بتایا گیا کہ امسال گندم کی تین نئی اعلیٰ اقسام متعارف کرائی گئی ہیں جن سے فی ایکڑ پیداوار میں 70 من تک اضافہ ممکن ہے۔
حکومت پنجاب نے گندم کی فی من قیمت 3500 روپے مقرر کی ہے جبکہ وفاقی و صوبائی حکومتیں 62 لاکھ میٹرک ٹن گندم خریدنے کا ہدف رکھتی ہیں

شالیمار ٹرانسپورٹ کمپنی کا عملہ تشدد کا نشانہ — عوام کا ردعمل سامنے آگیا

اہم ہدایات (کمشنر سرگودھا|| سرگودھا ڈویژن گندم کاشت

کمشنر جہانزیب اعوان نے تمام اضلاع کو ہدایت کی کہ:
 گندم کاشت کے اہداف حاصل کرنے کیلئے تمام وسائل بروئے کار لائے جائیں۔
 زرعی گریجویٹس کو فعال رکھا جائے۔
 کسانوں تک بروقت معلومات اور امداد پہنچائی جائے۔
 زیادہ سے زیادہ زمین کو زیرِ کاشت لانے کیلئے مشترکہ کوششیں کی جائیں۔