کمشنر سرگودہا ڈویژن کا ہفتہ وار اجلاس: شہری سہولیات میں بہتری کے لیے ہدایات

سرگودہا (27 اکتوبر 2025) ✦ کمشنر سرگودہا ڈویژن جہانزیب اعوان کی زیر صدارت ہفتہ وار کارکردگی اجلاس منعقد ہوا جس میں مختلف محکموں کو دیے گئے ٹاسک پر پیشرفت کا جائزہ لیا گیا۔ اجلاس کے دوران تمام اداروں نے شہری سہولیات میں بہتری کے لیے اپنی کارکردگی کے حوالے سے بریفنگ پیش کی۔ اس موقع پر کمشنر نے واضح کیا کہ عوامی سہولیات کی فراہمی میں ہرگز کوتاہی برداشت نہیں کی جائے گی۔

صفائی، واسا کارکردگی اور انکروچمنٹ آپریشن پر بریفنگ

سب سے پہلے شہر میں صفائی ستھرائی اور واساکی کارکردگی پر تفصیلی گفتگو ہوئی۔
مزید برآں، اینٹی انکروچمنٹ آپریشن میں روزانہ کی بنیاد پر کارروائیاں جاری رکھنے پر زور دیا گیا، تاکہ شہریوں کے راستوں اور بازاروں کو کھلا اور محفوظ رکھا جا سکے۔

 سرگودہا میں تجاوزات کے خلاف کارروائیاں تیز

پارکس، گرین بیلٹس اور سٹریٹ لائٹس کی بحالی

اجلاس میں بتایا گیا کہ پارکس اور گرین بیلٹس کی باقاعدہ نگرانی کی جا رہی ہے۔
اس دوران کمشنر نے کہا:

“شہر کو سرسبز اور دیدہ زیب بنانے کے لیے شجرکاری مہم اور پارکس کی بحالی میں مزید تیزی لائی جائے۔”

اسی طرح سٹریٹ لائٹس کی بحالی کا معاملہ بھی زیر بحث آیا تاکہ عوام رات کے وقت بہتر نقل و حرکت کر سکیں۔

آوارہ کتوں کی تلفی اور فوڈ اتھارٹی کی کاروائیاں

عوام کو درپیش ایک اہم مسئلے آوارہ کتوں کی تلفی پر بھی خصوصی توجہ دی گئی۔
پنجاب فوڈ اتھارٹی کی جانب سے دوکانوں اور ریستورانوں کی چیکنگ سے متعلق رپورٹ بھی اجلاس میں پیش کی گئی۔

گرین بس اسٹینڈز کی تعمیر اور ٹریفک نظام کی بہتری

گرین بس اسٹینڈز کی تعمیر کو مزید تیز کرنے کی ہدایت کی گئی تاکہ مسافروں کو آرام دہ سہولیات فراہم کی جا سکیں۔
ساتھ ہی سڑکوں کی مرمت، ٹریفک روٹس کی پلاننگ اور شہری مشکلات کے فوری حل پر بھی بات کی گئی۔

شہریوں کی سہولیات اولین ترجیح

کمشنر جہانزیب اعوان نے اجلاس کے اختتام پر تمام افسران کو تاکید کی کہ:

•  عوامی منصوبوں کی رفتار بڑھائی جائے
• 
   سروس ڈیلیوری میں بہتری لائی جائے
• 
  شکایات کا فوری ازالہ یقینی بنایا جائے

انہوں نے کہا کہ:

“شہریوں کو صاف، سرسبز اور پرسکون ماحول فراہم کرنا ہماری بنیادی ذمہ داری ہے۔”

جلاس میں شریک افسران

اجلاس میں شریک شخصیات میں شامل تھے:

• ایڈیشنل کمشنر کوآرڈینیشن رائے محمد یاسر بھٹی

• ڈی جی پی ایچ اے محمد ارشد

• ایم ڈی واسا ابو بکر عمر

• اے ڈی سی ہیڈکوارٹر ماجد احمد

• سیکرٹری آر ٹی اے

• ڈپٹی ڈائریکٹر ڈویلپمنٹ

• سی ای او ایس ڈبلیو ایم سی رانا شاہد عمران

• ڈی ایف او، ایس ڈی او پیرا اور دیگر افسران