سرگودہا (28 اکتوبر 2025) — سرگودہا کی تحصیل کوٹ مومن میں ایک حیران کن واقعہ پیش آیا ہے جہاں ایک بارات میں گھس کر نامعلوم افراد نے نہ صرف جعلی نوٹ نچھاور کیے بلکہ موقع کا فائدہ اٹھا کر لاکھوں روپے بھی اڑا لیے۔ پولیس نے مدعی کی درخواست پر مقدمہ درج کرتے ہوئے ملزمان کی تلاش شروع کر دی ہے۔

ارات میں خوشی، بھنگڑے اور…چوری

تفصیلات کے مطابق زمیندار غلام رسول کے بیٹے کی بارات ایک مقامی ہوٹل میں پہنچی تو جشن کا سماں تھا۔ ڈھول کی تھاپ اور بھنگڑے کے دوران چند ایسے افراد بھی بارات میں شامل ہو گئے جنہیں کسی نے نہیں پہچانا۔

ان ’’بن بلائے مہمانوں‘‘ نے خوب نوٹ نچھاور کیے، بھنگڑے ڈالے اور ماحول کو مزید پرجوش بنا دیا۔ بظاہر وہ باراتیوں میں ایسے گھل مل گئے جیسے دیرینہ واقف ہوں۔

لیکن اسی دوران شادی کی خوشیوں میں شامل حقیقی باراتی اس بات سے بے خبر رہے کہ یہ افراد اصل میں چور تھے۔

لاکھوں روپے غائب — جعلی نوٹوں کی بوچھاڑ

پولیس رپورٹ کے مطابق ایک باراتی کی جیب سے 18 لاکھ 50 ہزار روپے نکال لیے گئے جبکہ دوسرے سے 70 ہزار اور تیسرے سے 30 ہزار روپے غائب ہو گئے۔

بعد ازاں جب  پارٹی سے ’’رخصت‘‘ ہو گئے تو باراتیوں نے پیسے غائب ملنے پر شور مچایا۔ اس کے ساتھ ہی یہ بھی انکشاف ہوا کہ جو نوٹ نچھاور کیے گئے تھے وہ جعلی تھے

پولیس حرکت میں — ویڈیو فوٹیجز کا تجزیہ

دولہا کے والد کی مدعیت میں پولیس نے نامعلوم افراد کے خلاف مقدمہ درج کر لیا ہے۔ پولیس کا کہنا ہے کہ:

ملزمان کی شناخت شادی کی ویڈیو اور سی سی ٹی وی فوٹیج کی مدد سے کی جا رہی ہے۔ انہیں جلد گرفتار کر لیا جائے گا۔

واقعہ کے بعد علاقے میں یہ خبر جنگل کی آگ کی طرح پھیل گئی اور شہریوں نے ایسی وارداتوں سے خبردار رہنے کی اپیل کی ہے۔

شادیوں میں نیا طریقہ واردات؟

پولیس ذرائع کے مطابق اس طرح کے چند واقعات پہلے بھی رپورٹ ہو چکے ہیں۔ بظاہر یہ ایک منظم گروہ لگتا ہے جو:

 بارات میں گھس جاتا ہےجعلی نوٹ نچھاور کر کے اعتماد حاصل کرتا ہے

بھنگڑے کے دوران جیب کا صفایا کرتا ہے

شہر میں شادیوں کے دوران سیکیورٹی پلان بہتر بنانے کی ضرورت پر بھی زور دیا جا رہا ہے۔

شہریوں کے لیے احتیاطی تدابیر

ماہرین اور پولیس کا کہنا ہے کہ:

• بارات میں داخلے پر چیکنگ ہو

• اجنبی افراد پر نظر رکھی جائے

• قیمتی اشیاء اور نقدی جیب میں نہ رکھی جائے

• فوٹیج ریکارڈنگ لازمی ہو

عوامی ردعمل

شہریوں نے سوشل میڈیا پر اس واردات کو ’’بھنگڑا گروہ کا حملہ‘‘ قرار دیتے ہوئے پولیس سے فوری کارروائی کا مطالبہ کیا ہے۔