اسلام آباد: گیس فیکٹری میں لیکج سے دھماکا، 2 افراد جاں بحق، 2 زخمی

اسلام آباد روات انڈسٹریل اسٹیٹ میں واقع ماڈرن گیسز کی فیکٹری میں گیس لیکج کے باعث سلنڈر دھماکے میں 2 افراد جاں بحق جبکہ 2 زخمی ہوگئے، حادثے کے بعد فیکٹری سیل کر دی گئی۔

اسلام آباد روات انڈسٹریل اسٹیٹ میں واقع فیکٹری میں گیس لیکج کے باعث سلنڈردھماکہ ہوا، جس کی شدت کے باعث فیکٹری کی عمارت تباہ ہوگئی، دھماکے کی اطلاع ملتے ہی ایدھی سمیت ریسکیو 1122 فائر بریگیڈ اور ایمبولینسز موقع پر پہنچ گئیں۔

دھماکے میں 2 افراد جاں بحق اور 2 زخمی ہوئے، زخمیوں کو پمز ہسپتال کے برن سینٹر منتقل کر دیا گیا، فیکٹری سے راولپنڈی اسلام آباد کے مختلف ہسپتالوں کو آکسیجن فراہم کی جاتی تھی۔ ضلعی انتظامیہ نے حادثے کے بعد گیس فیکٹری کو سیل کر دیا ہے۔

اپنا تبصرہ بھیجیں